ޕެންޝަން ފަންޑުގެ އިންވެސްޓްމަންޓް ފުޅާކުރުމަށް ދިރާގުގެ 100 މިލިޔަން ރުފީޔާގެ ހިއްސާގައި އިންވެސްޓްކޮށްފި
ޕެންޝަން ފަންޑްގެ އިންވެސްޓްމަންޓް ފުޅާކޮށް ޕެންޝަން ސްކީމުގެ ބައިވެރިންނަށް ލިބޭ ނަފާ އިތުރުކުރުމުގެ ގޮތުން ދިރާގުގައި ސަތޭކަ މިލިއަން ރުފިޔާގެ ހިއްސާގައި އިންވެސްޓް ކޮށްފިއެވެ. މިއީ ޕެންޝަން ފަންޑުން ހިއްސާގެ ބާޒާރުގައި މުއާމަލާތެއް ކުރެވޭ ފުރަތަމަ ފަހަރެވެ. ދިރާގުގެ ހިއްސާ ގަތުމަށް ނިންމީ ރާއްޖޭގެ ޕެންޝަނާ ބެހޭ ޤާނޫނާއި އެޤާނޫނުގެ ދަށުން ހެދިފައިވާ ޤަވައިދުތަކުގައި ބަޔާން ކޮށްފައިވާ އިންވެސްޓް ކުރުމުގައި ބަލަންޖޭހޭ އެންމެހާ ކަންތައްތަކަށް ބެލުމަށް ފަަހުގައެވެ. މިގޮތުން ބަލާފައިވާ ކަންތައްތަކުގެ ތެރޭގައި ހިމެނެނީ:
- އެސެޓްގެ ރައްކާތެރިކަން
- އިންވެސްޓްމަންޓްތަކުގެ ޑައިވާސިޓީ
- އެސެޓްގެ ރައްކާތެރި ކަމަށް ބަލާއިރު އެންމެ ފައިދާބޮޑު އެސެޓެއްގައި އިންވެސްޓް ކުރުން
- އެކަށީގެންވާ މިންވަރަކަށް ލިކުއިޑިޓީ ދެމެހެއްޓުމުވެ.
ދިރާގުގެ ހިއްސާ ގަތުމަށް ނިންމި ބައެއްސަބަބު ތަކަގެތެރޭގައި ވިޔާފާރީގެ މުއާމާލާތުތަކުން ފައިދާހޯދުމުގެ ޤާބިލްކަން ލިބިފައިވާ ކުންފުންޏަކަށް ވުމާއި ރަގަޅު ޑިވިޑެންޑް ޕޮލިސީއެެެއް އޮތުމުގެ އިތުރުން ކޯޕަރޭޓް ގަވަނެންސްގެ އުސޫލުތައް ފުރިހަމަޔަށް ހިންގާ ކުންފުންޏަކަށް ވުން ހިމެނެއެވެ. ދިރާގުގެ ހިއްސާ ގަތުމަށް ހޭދަ ކުރެވިފައި ވަނީ ޕެންޝަން ފަންޑުގެ މުޅި ޖުމްލަ އަދަދު ގެ 15 ޕަސެންޓެވެ. އުއްމީދު ކުރެވޭގޮތުގައި 12- 8 ޕަސެންޓާ ދެމެދުގެ ރިޓާން އެއްލިބޭނެއެވެ.
Copyright © 2010 Maldives Pension Administration Office
Ameenee Magu, Machan Goalhi 30379, Rep. of Maldives
Tel: +960 3309908 | Fax: +960 3307759 | Email: info@pension.gov.mv