ސޯޝަލް ސެކިޔުރިޓީ ސެކްޓަރ ތަމްސީލް ކުރައްވާ މެންބަރެއްގެ ޙައިސިއްޔަތުން ޝިފާޒާ ވަޖީހު، ޕެންޝަން އޮފީހުގެ ބޯޑަށް ރައީސުލްޖުމްހޫރިއްޔާގެ އޮފީހުން އައްޔަން ކުރެއްވީ 24 ފެބްރުއަރީ 2020 ގައެވެ. މިވަގުތު ޝިފާޒާ އަދާކުރައްވަމުން ގެންދަވަނީ، ނޭޝަނަލް ސޯޝަލް ޕްރޮޓެކްޝަން އެޖެންސީގެ ޑިރެކްޓަރ ޖެނެރަލް އަދި ހެޑް އޮފް ސިވިލް ސަރވަންޓްސްގެ މަޤާމެވެ. 2008 ގައި ނޭޝަނަލް ސޯޝަލް ޕްރޮޓެކްޝަން އެޖެންސީ އުފެދުނު އިރުން ފެށިގެން ޝިފާޒާ ވަނީ އެއެޖެންސީގެ އެކި މަޤާމްތައް ފުރުއްވާ ގިނަގުނަ ޚިދުމަތްތަކެއް ކުރައްވާފައެވެ.  

އެންސްޕާއާއި ގުޅިވަޑައިގެންނެވުމުގެ ކުރިން، ޝިފާޒާވަނީ ސަރުކާރުގެ އެކިއެކި މިނިސްޓްރީތަކުގެ ސޯޝަލް ސެކިޔުރިޓީ ސެކްޝަންގައި މަސައްކަތް ކުރައްވާ ތަޖުރިބާ ހޯއްދަވާފައެވެ. މީގެ އިތުރުން، ސޯޝަލް ހެލްތް އިންޝުއަރެންސް ސްކީމް، ސޯޝަލް ކޭޝް ޓްރާންސްފަރ ޕްރޮގްރާމް، ރިޓަރޔަމަންޓް އަދި ބޭސިކް ޕެންޝަން ސްކީމް ރީފޯމް ކުރުމުގެ މަސައްކަތް އަދި ޑިސެބިލިޓީ އެކްޓް ގެ މަސައްކަތްތަކުގެ އެކިލެވެލްގައި ވަނީ އަގުހުރި މަސައްކަތްތަކެއް ކުރައްވާފައެވެ. ނޭޝަނަލް ސޯޝަލް ހެލްތް އިންޝުއަރެންސް ސްކީމްގެ އަދި ވޭސްޓް މެނޭޖްމަންޓް ކޯޕަރޭޝަންގެ ބޯޑު މެމްބަރުކަންވެސް ޝިފާޒާ ވަނީ އަދާކުރައްވާފައެވެ. 

ތައުލީމީ ރޮނގުން، ޝިފާޒާ ވަނީ މެލޭޝިއާގެ ހެލްޕް ޔުނިވާސިޓީ އިން ބެޗްލަރ އޮފް އިކޮނޮމިކްސް (އޮނާރސް) އަދި އޮސްޓްރޭލިއާގެ ޔުނިވަރސިޓީ އޮފް ސިޑްނީ އިން ޑިވެލޮޕްމަންޓް ސްޓަޑީސް ގެ ރޮނގުން މާސްޓާސް ޑިގްރީ ހާސިލް ކުރައްވާފައެވެ. 

ސެކިޔުރިޓީސް މާކެޓް ރެގިއުލޭޓަރ ތަމްސީލް ކުރައްވާ މެންބަރެއްގެ ޙައިސިއްޔަތުން ފާޠިމަތު ޢަބްދުﷲ ކަމާލުއްދީން، ޕެންޝަން އޮފީހުގެ ބޯޑަށް ރައީސުލްޖުމްހޫރިއްޔާގެ އޮފީހުން އައްޔަން ކުރެއްވީ 4 މާރޗް 2020 ގައެވެ. ފާޠިމަތު މިވަގުތު ވަޒީފާ އަދާކުރައްވަމުން ގެންދަވަނީ ސީ.އެމް.ޑީ.އޭ ގެ ޑެޕިއުޓީ ސީއީއޯ ގެ މަޤާމުގައެވެ. މިގޮތުން، މޯލްޑިވްސް ސެކިޔުރިޓީސް އެކްޓް (No. 2/2006) ގެ 10 ވަނަ މާއްދާގެ ދަށުން އެކުލެވޭ ޒިންމާތަކުގެ އިތުރުން މަޤާމުގެ ޒިންމާތަކުގެ ތެރޭގައި އޮތޯރިޓީގެ ސްޓްރެޓެޖިކް އަދި ޕޮލިސީ ލެވެލް ކަންކަން އިމްޕްލިމެންޓް ކުރުމުގައި ސީއީއޯ އަށް އެހީތެރިވުން ހިމެނެއެވެ. އަދި އޮޓޯރިޓީގެ މާކެޓް ޑިވެލޮޕްމަންޓް ޑިޕާޓްމަންޓާއި އިންފޮމޭޝަން ޓެކްނޮލޮޖީ ޑިޕާޓްމަންޓްގެ ކަންކަން ބެލެހެއްޓުން ހިމެނެއެވެ. 

ސީ.އެމް.ޑީ.އޭގެ މާކެޓް ޑިވެލޮޕްމަންޓް ދާއިރާގެ ޑިރެކްޓަރ ޖެނެރަލްގެ ހައިސިއްޔަތުން، އޮތޯރިޓީގެ މާކެޓް ޑިވެލޮޕްމަންޓް އިނީޝިއޭޓިވްސްގެ ހުރިހާކަަންތައްތަކެއް ބެލެހެއްޓުމުގެ ޒިންމާގެ އިތުރުން އޮތޯރިޓީގެ ސްޓެރެޓެޖިކް އަދި ޕޮލިސީ ލެވެލް އިނީޝިއޭޓިވްސް ތަކުގައި ހިއްސާވެ މުހިންމު ރޯލެއް ވަނީ އަދާކުރައްވާފައެވެ. އަދި ވޭތުވެދިޔަ 5 އަހަރުގެ މުއްދަތުގައި، ފާޠިމަތު ވަނީ އެއޮތޯރިޓީގެ ބޯޑުގެ ސެކްރެޓަރީ ކަމާއި އަދި ސީއީއޯގެ ސެކްރެޓޭރިއެޓްގެ ހައިސިއްޔަތުން ސްޓެރެޓެޖިކް ލެވެލްގެ ކަންކަމުގައި އަދި އޮތޯރިޓީއާއި ގުޅުންހުރި އިންޓަރނޭޝަނަލް އަދި މީޑިއާ ރިލޭޝަންސްގެ ކަންކަމުގައި ހަރަކާތްތެރިވެ ތަޖުރިބާ ހޯއްދަވާފައެވެ. މިގޮތުން، ކެޕިޓަލް މާކެޓާއި ގުޅުންހުރި ގިނަދާއިރާތަކުން ތަޖުރިބާ ހޯއްދަވާފައިވެއެވެ. 

ތައުލީމީ ރޮނގުން، ފާޠިމަތު ވަނީ އޫއެސްއޭގެ މިޗިގަން ނޯތްވުޑް ޔުނިވަރސިޓީ އިން އިންޓަރނޭޝަނަލް ބިޒްނަސް އެންޑް މެނޭޖްމަންޓްގެ ރޮނގުން ބީ.އޭ.އޭ ހާސިލްކޮށް އޮސްޓްރޭލިއާގެ ޔުނިވަރސިޓީ އޮފް މެލްބަން އިން މެނޭޖްމަންޓް (ފައިނޭންސް) ގެ ރޮނގުން މާސްޓަރސް ޑިގްރީ ހާސިލްކުރައްވާފައެވެ.

މިނިސްޓްރީ އޮފް ފިނޭންސް ތަމްސީލް ކުރައްވާ މެންބަރެއްގެ ޙައިސިއްޔަތުން މަރްޔަމް ޢަބްދުއްނާޞިރު، ޕެންޝަން އޮފީހުގެ ބޯޑަށް ދެވަނަ ދައުރަކަށް ރައީސުލްޖުމްހޫރިއްޔާގެ އޮފީހުން އައްޔަން ކުރެއްވީ 21 އޭޕްރީލް 2021 ގައެވެ. މަރްޔަމް ވަނީ 28 މާރޗް 2018 ގައި ޕެންޝަން އޮފީހާއި ގުޅިވަޑައިގެން، ވޭތުވެދިޔަ 3 އަހަރު ޕެންޝަން އޮފީހުގެ ބޯޑަށް ޚިދުމަތްކޮށްދެއްވާފައެވެ. 

މަރްޔަމް މިވަގުތު ވަޒީފާ އަދާކުރައްވަމުން ގެންދަވަނީ މިނިސްޓްރީ އޮފް ފިނޭންސްގެ ޗީފް ޑެޓް މެނޭޖްމެންޓް އެގްޒެކެޓިވްގެ ގޮތުގައެވެ. މަރްޔަމް މިނިސްޓްރީ އޮފް ފިނޭންސް އާއި ގުޅިވަޑައިގަތީ އޮކްޓޯބަރ 2009 ގައި އެކްސްޓާރނަލް ރިސޯސް މެނޭޖްމަންޓް ޑިވިޒަން (މިހާރުގެ ޑެޓް މެނޭޖްމަންޓް ޑިޕާޓްމަންޓް) ގެ ޑެސްކް އޮފިސަރެއްގެ ހައިސިއްޔަތުންނެވެ. މިގޮތުން، ވޭތުވެދިޔަ 8 އަހަރުގެ ތެރޭގައި މަރްޔަމް ވަނީ މިނިސްޓްރީގެ ރިސޯސް މޮބިލައިޒޭޝަން އެންޑް ޑެޓް މެނޭޖްމަންޓް ޑިޕާޓްމަންޓްގެ އިސް މަޤާމުތައް ފުރުއްވާފައެވެ.  

ތައުލީމީ ރޮނގުން މެލޭޝިއާގެ އޯޕަން ޔުނިވާސިޓީ އިން ބިސްނަސް އެޑްމިނިސްޓްރޭޝަން ގެ ރޮނގުން މަރްޔަމް ވަނީ މާސްޓާސް ޑިގްރީ ހާސިލް ކުރައްވާފައެވެ.

ޕްރައިވެޓް ސެކްޓަރ ތަމްސީލު ކުރައްވާ މެމްބަރެއްގެ ހައިސިއްޔަތުން އަލްއުސްތާޒާ ލައިލާ މަނިކް، ޕެންޝަން އޮފީހުގެ ބޯޑަށް ރައީސުލްޖުމްހޫރިއްޔާގެ އޮފީހުން އައްޔަނު ކުރެއްވީ 23 ޖޫން 2020 ގައެވެ. ލައިލާ މިވަގުތު ވަޒީފާ އަދާކުރައްވަމުން ގެންދަވަނީ އެޓްމޮސްފިއަރ ކޯރ ޕްރައިވެޓް ލިމިޓެޑްގެ ވައިސް ޕްރެޒިޑެންޓް، ލީގަލް އެންޑް ކޮމްޕްލައަންސް ގެ މަޤާމުގައެވެ. ސެޕްޓެމްބަރު 2010 އިން ފެށިގެން މިއަދާ ހަމައަށް މޮރިޝަސް ކޮމާޝަލް ބޭންކް މޯލްޑިވްސްގެ ޑައިރެކްޓަރ އަދި ކޮމްޕެނީ ސެކްރެޓެރީގެ މަގާމުވެސް ދަނީ އަދާ ކުރައްވަމުންނެވެ. 

ވޭތުވެދިޔަ 14 އަހަރު ގާނޫނީ ވަކީލެއްގެ ހައިސިއްޔަތުން ޕްރައިވެޓް ސެކްޓަރ އަދި މިނިސްޓްރީ އޮފް ޓުއަރިޒަމް އާރޓްސް އެންޑް ކަލްޗަރ ގެ ލީގަލް އޮފިސަރ މަގާމާއި ސީނިއަރ ލީގަލް އޮފިސަރގެ މަގާމު ލައިލާ ވަނީ އަދާކުރައްވާފައެވެ. އަދި ވޭތުވެދިޔަ އަހަރު ތަކުގައި ގާނޫނީ ރޮގުން ވިޔަފާރިއާއި ބޭންކިން ދާއިރާއިން ގިނަ ތަޖުރިބާތަކެއް ވަނީ ހާސިލްކުރައްވާފައެވެ.

ލައިލާ ވަނީ އިނގިރޭސިވިލާތުގެ ޔުނިވަރސިޓީ އޮފް ލަންޑަން އިން ބެޗެލަރ އޮފް ލޯ (އެލް.އެލް.ބީ) ޙާސިލްކުރައްވާފައެވެ. 

ޕްރައިވެޓް ސެކްޓަރ ތަމްސީލު ކުރައްވާ މެމްބަރެއްގެ ހައިސިއްޔަތުން އަލްފާޟިލް ޢަބްދުލް ހަލީމް ޢަބްދުލް ލަތީފް ޕެންޝަން އޮފީހުގެ ބޯޑަށް ރައީސުލްޖުމްހޫރިއްޔާގެ އޮފީހުން އައްޔަނު ކުރެއްވީ 15 މާރޗް 2021 ގައެވެ. ހަލީމް މިވަގުތު ވަޒީފާ އަދާކުރައްވަމުން ގެންދަވަނީ ކްރޯވް މޯލްޑިވްސް އެޑްވައިޒަރީ ޕްރައިވެޓް ލިމިޓެޑްގެ މެނޭޖިން ޑިރެކްޓަރެއްގެ މަޤާމުގައެވެ. ސްޓްރެޓެޖީ ފޯމިއުލޭޝަން އެންޑް ޑިވެލޮޕްމަންޓް، އިންވެސްޓްމަންޓް އޮޕަރޭޝަންސް އެންޑް މެނޭޖްމަންޓް، ވެލުއޭޝަން، ރިސްކް އަދި ފައިނޭންޝަލް ޕްލޭނިންގ އެންޑް ކޮންޓްރޯލް ފަދަ ދާއިރާތަކުގައި މަސައްކަތްކޮށް ހަލީމް ވަނީ ތަޖުރިބާ ހޯއްދަވާފައިވެއެވެ. 

2010 ގައި  ޕެންޝަން އޮފީހާއި ގުޅިވަޑައިގެންނެވުމަށް ފަހު ސީނިއަރ މެނޭޖްމަންޓްގެ އެކިރޯލްތައް ހަލީމް ވަނީ އަދާކުރައްވާފައެވެ. މިގޮތުން 2018 ވަނަ އަހަރު ޕެންޝަން އޮފީހާއި ވަކިވެ ވަޑައިގެންނެވުމުގެ ކުރިން  ސީ.އެފް.އޯ ގެ ހައިސިއްޔަތުން ހަލީމް ވަނީ އޮފީހުގެ އެޑްމިނިސްޓްރޭޝަން އަދި އިންވެސްޓްމަންޓް މެނޭޖްމަންޓް އޮޕަރޭޝަންސް ބިނާ ކުރުމާއި ފައިނޭންްސް ޓީމް މެނޭޖްކޮށް ކުރިއެރުވުމުގައި މުހިންމު ރޯލެއް އަދާކުރައްވާފައެވެ

ރާއްޖޭގެ ފައިނޭންޝަލް އިންސްޓިޓިއުޝަންސް ތަކުގެ އިސްމަޤާމުތައްވެސް ހަލީމް ފުރުއްވިއެވެ. މިގޮތުން، ބޭންކް އޮފް މޯލްޑިވްސް ގެ ޑެޕިއުޓީ ސީއެފްއޯގެ މަޤާމާއި މޮރިޝަސް ކޮމާރޝަލް ބޭންކްގެ ހެޑް އޮފް ކޯޕަރޭޓް ބޭންކިންގ ގެ މަޤާމް އަދި ސޮލަރެލް އިންޝުއަރެންސް ގެ ޑެޕިއުޓީ ސީއީއޯ ގެ މަޤާމް ވަނީ ފުރުއްވާފައެވެ. އަދި މީގެ އިތުރުން، މޯލްޑިވްސް ރެޑް ކްރެސެންޓްގެ ގަވަރނިންގ ބޯޑުގެ ޓްރެޝަރަރ ގެ މަޤާމް 2015 އިން 2018 ފުރުއްވާފައިވެއެވެ.

ދިވެހިރާއްޖޭގެ އިކޮނޮމީ، ފައިނޭންޝަލް ސިސްޓަމްސް އަދި ސޯޝަލް ސެކިޔުރިޓީ އާއި ގުޅުންހުރި ރިސާރޗްތައް ހައްދަވާ ޕަބްލިޝް ކުރެއްވުމުގެ އިތުރުން، ހަލީމް ދަނީ 'މޯލްޑިވްސް އިކޮނޮމިކް ރިވިއު' އަށް ރެގިއުލަރ ކޮށް ކޮންޓްރިބިއުޓް ކުރައްވަމުންނެވެ.  

ހަލީމް ވަނީ އޮސްޓްރޭލިއާގެ ޔުނިވަރސިޓީ އޮފް ވޮލޮންގޮންގް އިން އެކައުންޓިން ރޮނގުން ފުރަތަމަ ޑިގްރީ ޙާސިލް ކުރައްވާފައެވެ. އަދި ހަލީމަކީ ޗާޓަރޑް އެކައުންޓެންޓެއްގެ އިތުރުން، ޔޫކޭގެ ޗާޓަރޑް އިންސްޓިޓިއުޓް އޮފް މެނޭޖްމަންޓް އެކައުންޓަންޓްސް (ސީމާ) ގެ މެންބަރެކެވެ. މީގެ އިތުރުން، އިންސްޓިޓިއުޓް އޮފް ޗާޓާރޑް އެކައުންޓަންޓްސް އޮފް މޯލްޑިވްސްގެ އެކަޑެމިކް ކޮމިޓީގެ މެމްބަރުކަން ވެސް ދަނީ ކުރައްވަމުންނެވެ.  

ޕްރައިވެޓް ސެކްޓަރ ތަމްސީލު ކުރައްވާ މެމްބަރެއްގެ ހައިސިއްޔަތުން ޢަބްދުލްމަޖީދު ޢަލީ ޕެންޝަން އޮފީހުގެ ބޯޑަށް ރައީސުލްޖުމްހޫރިއްޔާގެ އޮފީހުން އައްޔަނު ކުރެއްވީ 10 ފެބްރުއަރީ 2022 ގައެވެ. މަޖީދު އަކީ އޮޑިޓް އަދި ފައިނޭންޝަލް ކޮންސަލްޓަންސީ ފޯރުކޮށްދޭ ރެޖިސްޓަރޑް އޮޑިޓް ކުންފުންޏެއް ކަމަށްވާ އޮޕްޓިމޯރ އެލް.އެލް.ޕީ ގެ މެނޭޖިންގ ޑައިރެކްޓަރ އެވެ.

އޮޕްޓިމޯރ އެލް.އެލް.ޕީ އުފެދުމުގެ ކުރިން މަޖީދުވަނީ ބޭންކް އޮފް މޯލްޑިވްސް އަދި ބޭންކް އޮފް ސިލޯން އަށް ޚިދުމަތް ކޮށްދެއްވައި ބޭންކިންގ އެންޑް ފައިނޭންސްގެ ރޮގުން ތަޖުރިބާ ހާސިލްކުރައްވާފައެވެ. އަދި، ކެޕިޓަލް މާކެޓް ޑިވެލޮޕްމަންޓް އޮތޯރިޓީގެ ބޯޑު މެމްބަރެއްގެ ހައިސިއްޔަތުން އެއޮތޯރިޓީއަށް ޚިދުމަތް ކޮށްދެއްވައި، މިމުއްދަތުގައި އެއޮތޯރިޓީގެ އޮޑިޓް އެންޑް ރިސްކް ކޮމިޓީގެ މެމްބަރެއްގެ ގޮތުގައިވެސް ޚިދުމަތްކޮށްދެއްވާފައިވެއެވެ.

ޕްރައިވެޓް ސެކްޓަރ ކުރިއެރުވުމުގެ ގޮތުން ކުރިއަށް ގެންގޮސްފައިވާ ގިނަ ޕްރޮޖެކްޓް ތަކެއްގައި މަޖީދު ވަނީ އަމަލީ ގޮތުން ބައިވެރިވެ ވަޑައިގަންނަވާފައެވެ. މިގޮތުން، ފާހަގަކޮށްލެވޭ ޕްރޮޖެކްޓް ތަކުގެ ތެރޭގައި އޭޝިއަން ޑިވެލޮޕްމަންޓް ބޭންކުން ފަންޑްކޮށް ކުރިއަށްގެންދިޔަ 'ޕްރައިވެޓް ސެކްޓަރ ޑިވެލޮޕްމަންޓް ޕްރޮޖެކްޓް' އަދި ޔޫކޭގެ އިސްލާމިކް ފައިނޭންސް އެޝުއަރެންސް އެންޑް އެޑްވައިޒަރީ ސަރވިސަސް އިން ހިންގި 'މައިކްރޯ-އެންޓަރޕްރައިޒް ޑިވެލޮޕްމަންޓް ޕްރޮޖެކްޓް' ހިމެނެއެވެ.

މަޖީދު ވަނީ ވޭލްސްގެ ކާރޑިފް ޔުނިވަރސިޓީ އިން 'މާސްޓަރ އޮފް ސައިންސް އިން އިންޓަރނޭޝަނަލް އިކޮނޮމިކްސް، ބޭންކިންގް އެންޑް ފައިނޭންސް' ޙާޞިލް ކުރައްވާފައެވެ.

ޕްރައިވެޓް ސެކްޓަރ ތަމްސީލު ކުރައްވާ މެމްބަރެއްގެ ހައިސިއްޔަތުން ޣާލީ މުރުތަޟާ ޕެންޝަން އޮފީހުގެ ބޯޑަށް ރައީސުލްޖުމްހޫރިއްޔާގެ އޮފީހުން އައްޔަނު ކުރެއްވީ 10 ފެބްރުއަރީ 2022 ގައެވެ. ޣާލީ އަކީ އިންވެސްޓްމަންޓް، ޑިވެލޮޕްމަންޓް އަދި ފައިނޭންޝަލް އެޑްވައިސަރީ ޚިދުމަތް ފޯރުކޮށްދޭ ކުންފުންޏެއް ކަމަށްވާ މޯޓީޒާ ކެޕިޓަލް ލިމިޓެޑްގެ މެނޭޖިންގ ޑައިރެކްޓަރ އެވެ.

ޣާލީ އަކީ ހޮސްޕިޓަލިޓީ، ޓޫރިޒަމް އަދި ރިއަލް އެސްޓޭޓް އިންވެސްޓްމަންޓް ދާއިރާގައި 15 އަހަރަށްވުރެ ގިނަދުވަހުގެ ތަޖުރިބާ ލިބިފައިވާ ބޭފުޅެކެވެ. އަދި، 2015 ގައި މޯޓީޒާ ކެޕިޓަލް ލިމިޓެޑް އުފެއްދެވުމަށްފަހު ހޮޓެލް، ރިއަލް އެސްޓޭޓް އަދި ކޯޕޮރޭޓް ފައިނޭންސް ދާއިރާއިން 100 މިލިއަން އެމެރިކާ ޑޮލަރުގެ އިންވެސްޓްމަންޓްތަކުގައި ލަފާ ދެއްވާފައިވެއެވެ.

މީގެ ކުރިން ޣާލީ ވަނީ އެފް.ޖޭ.އެސް ކޮންސަލްޓިންގ ޕވޓ ލޓޑ ގެ ޓޫރިޒަމް ސެކްޓަރ އެޑްވައިޒަރ ގެ ޙައިޞިއްޔަތުން، ޓޫރިޒަމާ ގުޅޭ އެކި ޤާނޫނުތައް އިޞްލާޙު ކުރުމާއި، ޓޫރިޒަމް ސްޓްރެޓަޖީ އެކުލަވާލުމާ ގުޅޭގޮތުން ދިވެހި ސަރުކާރަށް ލަފާދެއްވާފައެވެ. މިމަޤާމާ ޙަވާލުވުމުގެ ކުރިން ޣާލީ ވަނީ، މިނިސްޓްރީ އޮފް ޓޫރިޒަމް ގެ ޑިވެލޮޕްމަންޓް ސެކްޝަންގެ އިސްވެރިއެއްގެ ޙައިޞިއްޔަތުން، 70 އަށްވުރެ ގިނަ ރިޒޯޓް ޕްރޮޖެކްޓް ބެލެހެއްޓުމުގެ މަސައްކަތް ކޮށްފައެވެ.

ބައިނަލްއަޤްވާމީ އިންވެސްޓްމަންޓް ކޮންފަރަންސްތަކުގައި ޤަވާއިދުން ދިވެހިރާއްޖެ ތަމްޞީލުކުރެއްވުމުގެ އިތުރުން، ރާއްޖޭގެ ޓޫރިޒަމް ދާއިރާގެ ފާހަގަކޮށްލެވޭ އެވޯޑެއްކަމަށްވާ މަޓާޓޯ ޓްރެވަލް އެވޯޑްސް ގެ ފަނޑިޔާރުކަންވެސް ޣާލީ ކޮށްދެއްވާފައިވެއެވެ.

ޣާލީ ވަނީ އޮކްސްފޯޑް ޔުނިވަރސިޓީގެ ސައީދް ބިޒްނަސް ސްކޫލުން މާސްޓަރ އޮފް ބިޒްނަސް އެޑްމިނިސްޓްރޭޝަން އަދި ފްރާންސްގެ ޔުނިވަރސިޓީ ޑި ޓޫލޫސް ލި މިރައިލް އިން ބެޗެލަރ އޮފް ޓޫރިޒަމް މެނޭޖެމަންޓް އެންޑް އެންޖިނިއަރިނގް ޙާޞިލް ކުރައްވާފައެވެ.